မန္ဟုီဂွ္ ဟိုတ္မဍိဳက္ေပင္ ကုအေရဝ္၊ လိက္၊ အခိုက္ကှာ (ျပေဝဏ႘)၊ က်ာ္ႀသ႘ (ေယန္သှာင္) ဗုီဇကုကုႝဇကု တှဟ္ျခာႏူညးတှဟ္တုဲ ဒွ္ဂကူမြဲဂကူရ။ အရာတအ္သုီဖအိုတ္ဂွ္ ဗဒွ္ကုႝ ငၛဳဟ္မးဂကူမန္ရ။

အေရဝ္ - အရာမဆက္ေဆာံ ဟုီဂး ညးမြဲကုႝမြဲ ဂြံကၜိဳဟ္ေရင္သကအ္။

လိက္ - အရာပ႐ူမြဲမြဲ၊ လညာတ္မြဲမြဲ၊ တှဟ္နဂြံဆက္ေစၜာအ္ ဂြံဂိုင္စြံတုဲ ခ်ဴစဿတ္သမၲီဂြံ။

အခိုက္ကှာ - အခိုက္မေကၜာန္ကၜဳင္ ဗုီဂြံဆက္တန္တဵအာ အပႜဲဘဝမှိဟ္။

က်ာ္ႀသ႘ - အရာမပေယ်ဝ္ကုႝ ဂကူဂွ္ မပၲံဗြိဳက္လတက္၊ ေလွ္ ဒေယွ္၊

ကတုႝဒွ္မန္ဟုီဂွ္ ဒွ္အရာမဆက္စပ္ ကုအရာဇေမှာ္လတူဂွ္ ပန္ သာ္ကုီတုဲ အရာလေစွ္ မစပ္ကုႝဒဒွ္လဿိဳန္တၛဲ ဗုီကုႝစှစ၊ မိတ္သဟာဲ၊ လယုင္ပေတွ္၊ အခက္အခုဲနာနာ ဗြဲမဂၜိဳင္ရ။ ပႜဲဒှာဲဝြံ အဲမိက္ဂြံ ဟုီပ႐ူအခိုက္ကှာပု႙မန္ရ။ အခုိက္ကှာပု႙မန္ဂွ္ ႏူသၜးဂဝ္ဂှဵ စုႝကုႝစုတိဂွ္ ႏြံဒဿံင္ေပင္င္ဟုီမာန္ရ။

အခိုက္ကှာစဝ္ကေပါဝ္။

အခိုက္ကှာသှက္ကေရဲ (ထပ္တဲ)

အခိုက္ကှာႀသိဳင္သၛိ

အခိုက္ကှာဝိုင္ပုင္

အခိုက္မစပ္ကုအခိင္အခါ

အခိုက္ကှာမှိဟ္ခ်ိဳတ္

အခိုက္ေလွ္ကေလာ

မၛႝဳစဝ္ကေပါဝ္

ေကာန္ငၛာ္မြဲသၜးဂၜံဂဝ္ ပႜဲဂကူမန္မြဲမၢး ဒွ္အရာတဿာဲပရဲ သြက္ဂကူမန္ ဂြံဆက္ဂ်ိဳင္အာ မြဲေတှာဝ္ပၜန္ ဟုီမာန္ရ။ ႀကဵႏူသၜးဂၜံဂဝ္တုဲ တၛဲျခာဟြံလအ္ဂွ္ ညးတအ္ေကၜာန္သဘင္မၛႝဳစဝ္ကေပါဝ္ရ။ တှဟ္နဂြံကိတ္ည႘ ကုအကာဲအရာ တှဟ္နဂြံေလာဲသြာတုဲ ေဖ်ဟ္လဝ္တၛဲကိုန္ဂစိုတ္ဟြံမြဲရ။ ဆဂး ဂိတုဖဝ္ရဂိုန္ ကုႝ ဂိတုစဲဂွ္ ဒွ္ဟိုတ္ဒွ္အခိင္ျဗဲက်ာတဿး မှိဟ္တအ္အာကၜဳင္ေလာဲ ဒွ္အခိင္ဝါဗၛသၜးတုဲ မေကၜာန္ ပႜဲအခိင္ဂွ္ဂၜိဳင္ရ။

ဗုီေကၜာန္ဂွ္မၢး ဍာ္ကေပါဝ္ဂွ္ စုတ္လဝ္လွာင္မြဲ၊ ဍာ္မိတ္ဂွ္ စုတ္လဝ္လွာင္မြဲ။ ေကၜင္ဂယိ၊ ဂေစအ္၊ ဍာ္ျမေမာဝ္၊ ေကုာံကေပါတ္နာနာ မပၲံ လိက္ကှဟ္တအ္ဂွ္ စုတ္လဝ္ကုႝထး။ အခိင္တၛဲယုိက္မုက္ (အခိင္ႏူဂယး) အပါေနာ္ေကာန္ငၛာ္ဂွ္ (ယဝ္ရအပါေနာ္ဟြံမြဲမၢး မိေနာ္)ဒုင္စဝ္ဍာ္မိတ္ကေပါတ္ ကုဣမိ ပႜဲတဲ၊ တုဲဂွ္ အပါေကာန္ငၛာ္ဂွ္ ေကတ္ဒှာဲတုဲ ရပ္ဂန္လဝ္ျမဇမၜိင္/သၨင္ နကုႝတဲၐါတုဲ မစာမ္လဝ္ကုႝ တိသုႏၶရ႘တုဲ ဣမိဂွ္ၾကာတ္တဲ နတဲနကုႝဍာ္မိတ္ကေပါဝ္ဂွ္တုဲ ေကတ္ဍာ္ဂွ္တုဲ စဝ္စုတ္လတူတဲ အပါေကာန္ငၛာ္ဂွ္ ကုႝဍာ္ဂွ္ ေဇြာဝ္ေစွ္အာကုႝတိ အတိုင္ေလဿာဝ္သၨင္ဂွ္ရ။ တုဲဂွ္မၢး ေကတ္နင္ေကာန္ငၛာ္ဂွ္တုဲ ဣမိဂွ္ ဗလိုပ္စဝ္ဍာ္မိတ္ကေပါတ္ တဲမြဲဒိုဟ္ဂွ္ ရပ္ေခါက္ဍာ္တုဲ စဝ္စုတ္ဍာ္မိတ္ကေပါတ္ဂွ္ လတူတဲမြဲဒိုဟ္ဂွ္တုဲ ဍာ္ဂွ္ ကုႝဒတုံေစွ္ လတူကႜိဳပ္ေကာန္ငၛာ္ဂွ္ရ။ အေဃာဣမိဂွ္ မစဝ္ဒဿံင္ဍာ္ဂွ္မၢး ညးေဖႜာတ္ရာမံင္ဒှာ သြက္ေကာန္ငၛာ္ဂွ္ရ။ တုဲဂွ္ ဣမိေကတ္ေၾကာပ္ေၾကဝ္တုဲ ေခပ္ေသာ္ေကာန္ငၛာ္ဂွ္တုဲ ေသာ္ဂွ္စြံလတူထး မစုတ္လဝ္ဍာ္ဂေစအ္စၜန္တအ္ဂွ္။ ထးဂွ္ မိေကာန္ငၛာ္ဂွ္ရပ္လဝ္တုဲ ဣမိဂွ္ ဂယိေကၜင္ ဖုံဂေစအ္ ဍာ္ျမေမာဝ္ ကုေကာန္ငၛာ္ဂွ္ အလုံမြဲဇကုရ။ စ႘ေရင္တုဲမၢး ကဿဳဲတအ္ဂွ္ စိုပ္ကၜဳင္မၢး စဝ္စုတ္ပႜဲတဲဇကုအိုတ္ရ။

ဣဏအ္ဂွ္ ဒွ္အခိုက္ကှာ မၛႝဳစဝ္ကေပါဝ္ မန္ပု႙ဟုီမာန္ရ။ မုဟိုတ္ညးတအ္ဂြံပ သာ္ဏအ္ေရာဂွ္ မှိဟ္မလဵပေသာင္မာန္ဂွ္ ေအာန္တဵေကြဟ္ဟ္ရ။ ဟိုတ္ႏူညးတမၜာ မေကၜာန္ကၜဳင္ဗုီဂွ္တုဲ မှိဟ္လဿဳဟ္ေလဝ္ ဒးေကၜာန္ဗက္အတိုင္ဂွ္ကုီရ။

ဆဂး နကုႝလညာတ္အဲမၢး ဍာ္မိတ္ကေပါဝ္ဂွ္ ဒွ္အရာမဖအးေကၜအ္ အရာဟြံအးဇၛးတအ္ရ။ အခိင္ႏူဂယးဂွ္ ေကတ္နိမိတ္တဿိ သြက္ဂြံျမဟ္ဆာဲတိုန္ရ။ ဣမိဂွ္ ဒွ္မှိဟ္မေကတ္လဝ္တာလ်ိဳင္ သြက္ေကာန္ငၛာ္ဂွ္ ဂြံၐံင္တုဲ ပႜဲသဘင္ဂွ္မၢး ဣမိဂွ္ ပအပ္ ကုအပါေနာ္ အပါေကာန္ငၛာ္ ဟုီမာန္ရ။ စဝ္ေဖ်ဟ္ဍာ္လတူသၨင္တုဲ ကုႝေဇြာဝ္ေစွ္တိဂွ္ ဒွ္ဟိုတ္ဒုင္ဂတိ ဒုင္သစာ ပသစၥ ကုဍဳင္မိတိမ ဗဵတိသုႏၶရ႘ ဒွ္မာန္ရ။ ဣမိဂွ္ ဖုံဂေစအ္လံက္ေကၜင္ ေကာန္ငၛာ္ဂွ္ ဒွ္ဟိုတ္ဣမိတအ္ ထၞးကုႝမိေကာန္ငၛာ္ သြက္ဂြံလြ႘လြတ္ေကာန္ငၛာ္ ဟုီမာန္ရ။

အခိုက္ကှာဝြံ သပၸါယ္က်ာ္ႀသ႘ႏြံေကြဟ္ဟ္ရသြံ ပု႙တအ္သုီဖအိုတ္ဂွ္ ဒုင္လဝ္သစၥ ပလဝ္သစာ ကုဍဳင္မိတိမမန္ ဖအိုတ္ရသြံ။